وروستی
کابل ښاریانو د لسګونو لوړپوړیزو ودانیو د دود، بدبویه ګازونو او خراب سونګ سیستم په اړه شکایتونه کړي
کابل - د لیندۍ دويمه
کابل ښاریانو د چاپېریال ساتنې ملي ادارې ارتباطي شمېرو له لارې لسګونه شکایتونه ثبت کړي، چې شمېر یې تر ۷۱ اویا پورې رسیږي، دغه شکایتونه د کابل ښار په مختلفو برخو کې ثبت شوي چې د سونګ سیستمونه یې غیر معیاري دي.
د چاپېریال ساتنې ملي ادارې رهبري په دې برخه کې له کابل ښاریانو څخه چې د هوا ککړتیا د سرچینو په اړه خبر ورکړی مننه کوي او خپلو نظارتي ټېمونو ته یې امر کړی، چې د یادو ټولو شکایتونو څارنه او عملي چارې دې ترسره کړي.
دغې ادارې په لومړي ګام کې د یادو لوړپوزیزو ودانیو له مالکانو، چې نومونه یې په لاندې جدول کې ذکر شوي او په دوهم قدم کې د نوموړو ودانیو له اوسېدونکو غواړي، چې مخکې تر دې چې د هوا ککړتیا د عالي کمیسیون د څارنې او پلټنې ټېم خپل اقدامات تر سره کړي، خپل سونګ سیستمونه معیاري او فلترونه نصب کړي؛ له دې پرته موږ مجبور یو چې جدي او قانوني اقدامات ترسره کړو.