وروستی
د چاپېریالي اصولو د تطبیق په موخه ولایتونو د یو شمېر تولیدي فعالیتونو څارنه وشوه
۱۴۴۸ کال د ربیع الثاني۲نېټه/کندهار-کونړ-لغمان
د هواککړتیا راکمولو او فعالیتونو کې د چاپېریالي اصولو د تطبیق په پار دکندهار، کونړ او لغمان ولایتونو د چاپېریال ساتنې ریاستونو نظارتي ټیمونو له لوري د مختلفو فعالیتونو د چاپېریالي وضعیت څارنې او ارزونې وشوې.
د کندهار په صنعتي پارک کې د چاپېریالي چارو مفتشینو له
لوري د پُنبې او روب تولیدي فابریکو د فعالیتونو له څرنګوالي څارنه وشوه.
د کونړ ولایت د چاپېریال ساتنې رئیس په مشرۍ نظارتي ټیم له
لوري د یو شمېر فعالیتونو (کرش پلانټونو، کلینیکونو، د صابون او وینځونکو توکو تولیدي
کارخونو) فعالیتونه و ارزول شول. همداراز د لغمان ولایت د چاپېریال ساتنې ریاست
مسوولینو له لوري د چمن ګل په نوم د کنجاړې جوړولو تولیدي فابریکې څخه د چاپیریالي
وضعیت د ارزونې او څارنې په موخه لیدنه ترسره شوه
د نظارتي ټیمونو لهخوا د یادو فعالیتونو مسؤلینو ته د چاپیریال
قانون او مقرراتو د رعایت، د تولیدي پاتې شونو د مناسب مدیریت، د کاري ساحې د پاک
ساتلو، د احتمالي دوړو او بوی د کنټرول، د فاضله موادو د خپرېدو د مخنیوي او د
کارکوونکو د روغتیا په برخه کې لازمې لارښوونې وشوې.
همدارنګه مسؤلینو ته سپارښتنه وشوه چې د فعالیتونو پر مهال
د چاپیریال د ککړتیا د مخنیوي لپاره لازم تدابیر ونیسي او خپل فعالیتونه د چاپېریالي
اصولو مطابق عیار او ترسره کړي.