وروستی
د ښکار د مخنیوي کمپاین پر دوام لغمان کې یو شمېر د ښکار جالونه له منځه یوړل شول
۱۴۴۸ کال د ربیع الثاني۱نېټه/لغمان
د لغمان ولایت د چاپېریال ساتنې ریاست د امنیتي مسؤلینو په ګډه
همکارۍ د ښکار د مخنیوي کمپاین په ترڅ کې د مهترلام بابا دښتې اړوند عمرزیو په بېلابېلو
سیمو کې له ښکاریانو څخه یو شمېر د ښکار جالونه او نور وسایل ضبط او وسوځول شول.
د مفتشینو لهخوا ښکاریانو ته سپارښتنه وشوه چې له دې
وروسته له هر ډول ناقانونه ښکار څخه ډډه وکړي. هغوی ته خبرداری ورکړل شو که بیاځلي
د ښکار په تور ونیول شول، قانوني چلند به ورسره وشي.
د یادونې وړ ده چې د ښکار د مخنیوي د کمپاین په دوام، د
شمشاد مارکیټ له دوکاندارانو او ښکاري سیمو کې له ښکاریانو سره د ریاستالوزراء
عالي مقام د ۱۱۴ ګڼې حکم په اړه معلومات شریک شوي او د وحشي ژوو او ژوند بڼو د
ساتنې په اړه ورته عامه پوهاوی هم ورکړل شوی دی.
د لغمان ولایت د چاپېریال ساتنې ریاست له ټولو هېوادوالو غوښتنه
کوي چې د چاپېریال، طبیعي سرچینو او وحشي ژوو د ساتنې په برخه کې له امنیتي مسؤلینو
سره همکاري وکړي او خپل ملي او قانوني مسؤلیت ادا کړي.