وروستی
د چاپېریال ساتنې په موخه ۴ولایتونو کې د عامه پوهاوي او نظارتي برنامې ترسره شوې
۱۴۴۸ کال د ربیع الأول۱۸مه نېټه/ کندهار-خوست-لغمان-کونړ
د عامه پوهاوي او نظارتي برنامو پر دوام د کندهار، خوست،
لغمان او کونړ ولایتونو د چاپېریال ساتنې ریاستونو له لوري د چاپېریالي مسایلو په
تړاو د خلکو د پوهاوي کچې لوړولو، د ککړتیا راکمولو او چاپېریالي اصولو د پلي کېدو
په موخه بېلابېل فعالیتونه ترسره شول.
د کندهار ولایت د چاپېریال ساتنې ریاست مفتشینو له لوري د شاوليکوټ ولسوالۍ د کلا کلي په جامع مسجد کې سیمهییزو خلکو ته د پاک او سالم چاپېریال، د کثافاتو د سم مدیریت، د اوبو او هوا ککړتیا د مخنیوي او د ونو او بوټو د ساتنې په اړه عامه پوهاوی ورکړل شو.
په خوست کې د کاتب خصوصي لېسې زدهکوونکو ته د چاپېریال ساتنې د ارزښت، د ونو او بوټو د اهمیت، د طبي زبالو د ناسم مدیریت زیانونو او اقلیمي بدلون د عواملو او اغېزو په اړه معلومات وړاندې شول او له هغوی وغوښتل شول چې په خپلو ټولنو کې د سالم او زرغون چاپېریال د رامنځته کولو لپاره فعاله ونډه واخلي.
لغمان کې د چاپېریالي چارو مفتشینو له لوري د «شاهي منار»
په نوم د یوه پمپسټېشن د جوړېدو لپاره د ټاکل شوې د موقعیت، د اوبو سرچینو،
شاوخوا چاپېریالي شرایطو او د پروژې احتمالي اغېزو او په ټوله کې د چاپېریالي وضعیت
ارزونه وشوه.
د کونړ ولایت د څوکۍ ولسوالۍ په ترناب سیمه کې د مهمند
ساختماني ډبرو د استخراج شرکت د چاپېریالي وضعیت هر اړخیزه څارنه او ارزونه وشوه
او مسوولینو ته د چاپېریالي اصولو د تطبیق په پار لازمې سپارښتنې وشوې.
همدارنګه د خوست ښار ۳مې ناحیې کې د کیک او کلچو ۴ کارخونو څخه
د حفظالصحې، د هوا د ککړتیا د مخنیوي، د حرارتي انرژۍ د استعمال او نورو چاپېریالي
معیارونو د رعایت په موخه نظارت وشو او مسؤلینو ته د نیمګړتیاوو د اصلاح په اړه
لازمې سپارښتنې وشوې.