وروستی
د چاپېریال ساتنې ادارې عمومي رئیس د اسلو مؤسسې له مسؤولینو سره وکتل
د چاپېریال ساتنې ادارې عمومي رئیس الحاج مولوي مطیعالحق
خالص نن چهارشنبه، د ۱۴۰۵ کال د سنبلې په ۴مه نېټه د اسلو مؤسسې له رئیس او پلاوي
سره په خپل کاري دفتر کې وکتل.
په دې لیدنه کې د اقلیمي بدلون د زیانونو، مختلفو چاپېریالي
موضوعاتو او د مؤسسو او حکومتي ادارو ترمنځ د همکارۍ او همغږۍ د پیاوړتیا په هکله
بحث او خبرې وشوې.
د چاپېریال ساتنې ادارې عمومي رئیس الحاج مولوي مطیعالحق
خالص د یادې مؤسسې مسئولینو ته ښه راغلاست ووایه او د اقلیمي بدلون او چاپېریالي
موضوعاتو په هکله یې خبرې وکړې. نوموړي زیاته کړه چې د تېرو څو لسیزو جګړو له امله
د هېواد ټول اړخونه زیانمن شوي دي او موږ ته پکار ده چې په مشترک ډول د هېواد د
آبادۍ او بیارغونې په برخه کې ګډ کار وکړو.
ښاغلي خالص په خبرو خبرو کې وویل: هر څوک چې د هېواد د آبادۍ
لپاره یوه خښته هم ږدي، کار یې د ستایلو دی؛ نوموړي د اسلو مؤسسې مسوولینو ته د
همکارۍ ډاډ ورکړ.
د اسلو مؤسسې رئیس عبدالسلام احمد د خپلو فعالیتونو په هکله
عمومي رئیس ته معلومات ورکړل، د اقلیمي بدلون سره د مبارزې او چاپېریال ساتنې په
برخه کې یې د همکارۍ غوښتنه وکړه چې د ښاغلي خالص لخوا ورته د هر راز همکارۍ ډاډ
ورکړل شو.
د لیدنې په پای کې پرېکړه وشوه چې تخنیکي ټیمونه به د هېواد
د چاپېریالي لومړیتوبونو او پالیسو په پام کې نیولو سره ګډ کار ته ادامه ورکړي.