وروستی
لغمان کې د یاقوتو د استخراج کانونو د چاپېریالي وضعیت څارنه او ارزونه وشوه
۱۴۴۸ کال د صفرالمظفر ۲۸مه نېټه/ لغمان
د
لغمان ولایت د چاپېریال ساتنې رئیس حاجي احمد شاه «ابراهیم» په مشرۍ نظارتي ټیم له
لوري د الیشنګ ولسوالۍ په میل دره کې د یاقوتو د استخراج دوو کانونو د چاپېریالي
وضعیت څارنه او ارزونه ترسره شوه.
د څارنې
پر مهال د کانونو د استخراج بهیر، د کانونو شاوخوا چاپېریالي وضعیت، د اوبو، هوا
او خاورې د احتمالي ککړتیا سرچینې، د کانونو پاتې شوني او د کاریګرو د خوندیتوب
وضعیت له نږدې وکتل شو.
کان
کېندونکو ته سپاښتنې وشوې چې د میل درې د طبیعي شنو سیمو، ځنګلي بوټو او د اوبو او
خاورې د سرچینو د اهمیت په پام کې نیولو سره د کانونو استخراج باید په داسې ډول
ترسره شي چې طبیعي سرچینو او چاپېریال ته د زیان کچه راټیټه شي.
د
کانونو مسؤلینو ته سپارښتنه وشوه چې د استخراج پر مهال د اوبو، هوا او خاورې د ککړتیا
د مخنیوي لپاره لازم تدابیر ونیسي، د کانونو پاتې شوني او حاصل شوې خاوره په منظم ډول
مدیریت کړي او د ککړو اوبو د خپرېدو د مخنیوي لپاره د اوبو د راټولېدو او زېرمه
کولو مناسبې لارې چارې رامنځته کړي.