وروستی
ننګرهار او خوست کې د چاپېریالي چارو مفتشینو له لوري مختلف فعالیتونه ترسره شوي دي
۱۴۴۸ کال د محرم ۵نېټه/ ننګرهار-خوست
په
فعالیتونو کې د چاپېریالي اصولو د تطبیق او د چاپېریالي مسایلو په تړاو د خلکو د
عامه پوهاوي کچې لوړولو په پار د ننګرهار او خوست ولایتونو د چاپېریال ساتنې ریاستونو
نظارتي او د عامه پوهاوي ټیمونو له لوري مختلف فعالیتونه ترسره شوي دي.
د ننګرهار
ولایت د چاپېریال ساتنې ریاست نظارتي ټیمونو له لوري د ګوشتې ولسوالۍ اړوند ډنډ په
سیمه کې د مرمر ډبرو د استخراج قراردادي ساحې، د خیوې ولسوالۍ کوټه تاران او کامې
ولسوالۍ اړوند کامې پُل په ساحه کې د شپږ کرش پلانټونو څخه د چاپېریالي ارزونې په
موخه څارنه او لیدنه ترسره شوه.
د
چاپېریالي چارو مفتشینو له لوري د یادو فعالیتونو مالکینو ته موجوده ستونزې ور وښودل
شوې او د حل په موخه ورته لازمې سپارښتنې وشوې.همداراز د چاپېريال ساتنې او عامې
روغتيا رياستونو د عامه پوهاوي ګډ ټیم له لوري د
(CLTS) برنامې مسؤلينو په همغږۍ د کوز کونړ ولسوالۍ کې
د عامه پوهاوي غونډه ترسره شوه او ګډونوالو ته د چاپېريال ساتنې پر اهميت، د هوا،
خاورې او اوبو د ککړتيا د مخنيوي، د نيالګيو، ونو او شخصي حفظ الصحې د ساتنې په
هکله عامه پوهاوی ورکړل شو.
خوست
ښار کې د چاپېریالي چارو مفتشینو له لوري د یو شمېر هوټلونو، نانوایانو او شنو
خونو د چاپېریالي وضعیت څارنه او ارزونه وشوه او مسوولینو ته یې د اصلاح په موخه
لازمې لارښوونې او سپارښتنې وشوې.