وروستی
د چاپېریالي چارو مفتشینو له لوري د هواککړوونکو سرچینو دوامداره څارنې کیږي
۱۴۴۷ کال د ذوالحجې ۲۹نېټه/ کابل-کونړ-لغمان-خوست
د هواککړوونکو سرچینو د کنټرول او په فعالیتونو کې د چاپېریالي
اصولو د تطبیق په پار د کابل، کونړ، لغمان او خوست ولایتونو د چاپېریال ساتنې ریاستونو نظارتي ټیمونو له لوري په ذکر شوو ولایتونو کې
د مخلتفو تولیدي فابریکو، شرکتونو او اصنافو د فعالیتونو له څرنګوالي څخه نظارت کړی.
د کابل
ولایت د چاپېریال ساتنې ریاست نظارتي ټیم له لوري د ۱۳مې ناحیې په مربوطاتو کې د
۱۲مختلفو اصنافو (د بخار دیګونو او بخاریو تولیدي شرکتونو، هوټلونو، نانوایانو،
قصابیو، موټر شویانو او د څارویو د ساتنې فارمونو) د فعالیتونو له څرنګوالي څارنه
او ارزونه وشوه.
د کونړ ولایت د چاپېریال ساتنې رئیس ډاکټر محمد رحمن صابر
په مشرۍ نظارتي ټیم له لوري اسعدآباد ښار کې د یو شمېر تولیدي شرکتونو او مختلفو
اصنافو د چاپېریالي وضعیت څارنه وشوه.
خوست او لغمان ښارونو کې د چاپېریالي چارو مفتشینو له لوري
د کیک او کلچهپزیو ۴کارخونو، هوټلونو او قصابیو د فعالیتونو څارنه ترسره شوه.
د نظارت په ترڅ کې د مفتشینو له لوري د یادو فعالیتونو
مسوولینو ته د چاپېریال قانون او مقرراتو په هکله پوهاوی ورکړل شو او سپارښتنې
ورته وشوې چې خپل فعالیتونه معیاري او د اصولو مطابق ترسره کړي.