وروستی
لغمان کې د طبي پاتې شونو تنظیفي او خدماتي شرکت د فعالیتونو ارزونه وشوه
۱۴۴۷ کال د ذوالحجې ۲۷نېټه/لغمان
د لغمان ولایت د چاپېریال ساتنې رئیس حاجي احمد شاه
"ابراهیم" په مشرۍ، د یاد ریاست د نظارت او عامه پوهاوي ټیم له لوري د یاسر
عمر مشرقیوال په نوم د طبي پاتې شونو تنظیفي او خدماتي شرکت له فعالیتونو څخه د
چاپېریالي موخو د ترلاسه کولو او د چاپېریال ساتنې د اصولو او مقرراتو د تطبیق په
موخه څارنه او کارکوونکو ته عامه پوهاوی ورکړل شو.
یاد شرکت د ننګرهار ولایت د روداتو ولسوالۍ د سرخ دیوال په
سیمه کې، د جلالآباد ښار څخه شاوخوا ۳۵ کیلومتره لرې موقعیت لري او د طبي پاتې
شونو د راټولولو، انتقال او له منځه وړلو په برخه کې فعالیت کوي.
د څارنې پر مهال د شرکت بېلابېلې برخې له نېږدې وکتل شوې، چې
پکې د طبي کثافاتو راټولول، تفکیک، انتقال، ساتنه او د انسنراتور (سوځولو دستګاه)
فعالیت شامل وو. همدارنګه د چاپېریال ساتنې جواز، اړوند اسناد او چاپېریالي وضعیت یې
وارزول شو.
د عامه پوهاوي په برخه کې د چاپېریال ساتنې ریاست د ټیم له
لوري د شرکت مسؤلینو او کارکوونکو ته د طبي پاتې شونو د خوندي مدیریت، د چاپېریالي
او روغتیايي خطرونو د مخنیوي، د هواککړتیا د کمولو، د شخصي خوندیتوب وسایلو د منظم
استعمال او د چاپېریال ساتنې قانون د رعایت کولو په اړه معلومات وړاندې شول. همد. ټینګار
وشو چې طبي کثافات باید د مقررې له اصولو او معیارونو سره سم راټول او له منځه یوړل
شي؛ ترڅو د انساني روغتیا او چاپېریال له احتمالي زیانونو څخه خوندي پاتې شي.
د نظارت ټیم له لوري د طبي پاتې شونو د خوندي مدیریت، د
هواککړتیا د مخنیوي، د کارکوونکو د خوندیتوب وسایلو کارولو او د چاپېریالي اصولو
او مقرراتو د لا ښه تطبیق په اړه لازمې سپارښتنې هم وشوې.
د شرکت مسؤلینو د چاپېریال ساتنې قانون، مقرراتو او
رهنمودونو د تشریح او عامه پوهاوي څخه خوښي څرګنده کړه، د یادو اصولو او مقرراتو د
بشپړ مراعات کولو ژمنه یې وکړه او د چاپېریال ساتنې ریاست له ټیم سره یې د دوامدارې
همکارۍ ډاډ ورکړ.