وروستی
د چاپېریالي اصولو د تطبیق په موخه ولایتونو کې د یو شمېر فعالیتونو ارزونې وشوې
۱۴۴۷ کال د ذوالحجې ۲۱نېټه/ننګرهار-کونړ-لغمان
د
چاپېریالي اصولو د تطبیق، اوبو، هوا، خاورې او غږیزې ککړتیا د مخنیوي په موخه د ننګرهار،
کونړ او لغمان ولایتونو د چاپېریال ساتنې ریاستونو نظارتي ټیمونو له لوري د مختلفو
فعالیتونو د چاپېریالي وضعیت څارنې او ارزونې وشوې.
د ننګرهار ولایت د چاپېریال
ساتنې رئیس قاري احسان الله مختار په مشرۍ نظارتي ټیم له لوري د سرخرود ولسوالۍ د
باولۍ او مارغونډۍ د ګچو تولیدي فابریکو لپاره د نوي ځای د ټاکلو په موخه ساحوي
ارزونه او مشورتي غونډه وشوه چې په نېږدې وخت کې به یادې کارخونې له ښار څخه لېرې
ولېږدول شي؛ ترڅو موجوده چاپېریالي ستونزې حل شي.
همداراز
د یاد ریاست د چاپېریالي چارو مفتشینو له لوري د خوګیاڼو ولسوالۍ وزیر ټټنګ اول بلاک د ګچو د
استخراج قرار داد ساحې کې د مشریقوال
افغان وایټ د سنګ مرمر استخراج او پروسس
شرکت څخه د چاپېريالي ارزونې په موخه لیدنه تر سره شوه او مسوولینو ته یې
لازمې سپارښتنې وشوې چې د اړوند فعالیت مسئولینو د چاپېریالي اصولو د تطبیق ژمنه
وکړه.
د غږیزې
ککړتیا د مخنیوي، د عامه نظم د تأمین او د سالم چاپېریال رامنځته کولو په موخه د
کونړ ولایت د چاپېریال ساتنې رئیس ډاکټر محمدرحمن صابر په مشرۍنظارتي ټیم له لوري
اسعدآباد ښار او نوآباد بازار په ساحو کې د عامه پوهاوي کمپاین ترسره شو.
د یاد
کمپاین پر مهال د یادو بازارونو دوکاندارانو، سبزيپلورونکو او نورو فعالیت کوونکو
ته د غږیزې ککړتیا د ناوړه اغېزو په اړه عامه پوهاوی ورکړل شو او د نظارت په لړ کې
کې له هغو اشخاصو او دوکاندارانو څخه چې د لوډسپیکرونو او نورو غږیزو وسایلو په وسیله
یې غږیزه ککړتیا رامنځته کړې وه، یاد وسایل راټول او ضبط شول.
د لغمان د چاپېریال ساتنې ریاست د نظارت او تفتیش ګډ ټیم، چې د یاد ریاست بېلابېل مدیریتونو استازي پکې شتون لري، د خپل کاري پلان له مخې د مهترلام ښار اړوند روحید منهاج، انصاف او هفته ګل د یخ جوړولو تولیدي فابریکې او د قرغه یو وولایت د چاپېریال ساتنې ولسوالۍ اړوند الهام په نوم د یخ جوړولو تولیدي فابریکو څخه چاپېریالي څارنه او ارزونه ترسره کړه.
د یادو
فابریکو څخه د څارنې پر مهال د اوبو کیفیت، د فاضله اوبو مدیریت، د تولید ظرفیت،
ماشینرۍ، د تولید بهیر، د اوبو د بیا کارونې (ریسایکلینګ) سیستم، د کارکوونکو شمېر
او نورو چاپېریالي موضوعاتو په اړه لازم معلومات راټول شول.
د ریاست
مسلکي او تخنیکي کارکوونکو د یادو فابریکو اوسنی چاپېریالي وضعیت وارزاوه او مسؤلینو
ته یې د چاپېریالي اصولو، مقرراتو او لارښودونو د ښه تطبیق په موخه لازمې سپارښتنې
وکړې.