وروستی
د پاک چاپېریال رامنځته کولو په موخه مرکز او ولایتونو کې عملي اقدامات ترسره کیږي
۱۴۴۷ کال د ذوالحجې ۱۸نېټه/خوست-میدان وردګ-غزني
هېوادوالو
ته د پاک چاپېریال رامنځته کولو په پار د چاپېریال ساتنې عمومي ادارې نظارتي ټیمونو
له لوري مرکز او ولایتونو کې په دوامداره توګه د هر ډول تولیدي فعالیتونو او
اصنافو فعالیتونه څارل کیږي.
د
خوست، میدان وردګو او غزني ولایتونو د چاپېریال ساتنې ریاستونو له مختلف فعالیتونه
ترسره شوي دي.
خوست
ښار کې د چاپېریالي چارو مفتشینو له لوري د یو شمېر تفریحي پارکونو، قوریو او
مختلفو اصنافو د چاپېریالي وضعیت څارنه او ارزونه ترسره شوې ده
دا
ارزونه د فردي او محیطي حفظالصحې ساتلو، په اړوند کاري فعاليتونو کې د چاپیریالي
رهنمودونو رعایت او تطبیق، د سالمې حرارتي سوځولو څخه استفاده او د اړونده کاری
اصنافو کارکوونکو مشخص یونیفورم کارولو په موخه ترسره شوه.
د میدان
وردګو ولایت د چاپېریال ساتنې رئیس مولوي الله محمد ذاکر په مشرۍ د طبي پاتې شونو
د تنظیم ولایتي کمیټې له لوري نوبتي غونډه
ترسره شوه چې پکې د اړونده ادارو باصلاحیته استازو ګډون کړی وو.
په یاده
غونډه کې د طبي پاتې شونو د اضرارو، مدیریت او لهمنځه وړولو د څرنګوالي په اړه هر
اړخیز بحث او خبرې وشوې او پریکړه وشوه چې ټول امارتي او خصوصي روغتونونه او کلینیکونه
باید خپلې طبي زبالې خصوصي شرکت ته په قرارداد ورکړي؛ ترڅو په معیاري توګه له منځه
یووړل شي.
همداراز
د یاد ریاست نظارتي ټیم له لوري د جلریز ولسوالۍ کې د (۱۲۷) مختلفو اصنافو څخه نظارت وشو
او مالکینو ته یې د چاپېریال قانون او مقرراتو په په هکله عامه پوهاوی ورکړل شو.
د
غزني ولایت د چاپېریال ساتنې ریاست مفتشینو له لوري هم د مختلفو اصنافو (د ودونو
هوټلو، رستورانتونو، نانوایانو او قصابیو د چاپېریالي وضعیت ارزونه وشوه او مسوولینو
ته یې لازمې سپارښتنې وشوې.