وروستی
د لوی اخترد رارسېدو په مناسبت د چاپېریال د پاکوالي، عامه نظم او تفریح ځایونو د ساتنې په اړه د چاپېریال ساتنې عمومي ادارې پیغام
بسم الله الرحمن الرحیم
د چاپېریال ساتنې عمومي اداره د نېکمرغه لوی اختر د رارسېدو
په مناسبت قدرمنو هېوادوالو ته د زړه له کومې مبارکي وړاندې کوي او د لوی خدای جل
جلاله له ستر دربار څخه ټولو ته د خوښیو،
امن، سوکالۍ او نېکمرغۍ ډک اختر غواړي.
د اختر مبارکې ورځې د خوښۍ، ورورولۍ، یووالي او ټولنیز مسؤلیت
ورځې دي؛ نو له هېوادوالو څخه په درنښت هیله کېږي، چې د اختر په ورځو کې د
پارکونو، شنو سیمو او عامه تفریح ځایونو پاکوالي او چاپېریال ساتنې ته ځانګړې
پاملرنه وکړي.
پاک او سالم چاپېریال د الله تعالی لوی نعمت او د ټولو ګډه
شتمني ده. راځئ چې د اختر خوښۍ د نظم، پاکۍ او مسؤلیت په پام کې نیولو سره ولمانځو،
له کثافاتو اچولو، د ونو او شنو ساحو له زیانمنولو او د عامه ځایونو له ککړولو څخه
ډډه وکړو، ترڅو زموږ ښارونه، پارکونه او سیمې پاکې، ښکلي او خوندي پاتې شي.
همداراز له درنو هېوادوالو څخه غوښتنه کېږي، چې د چاپېریال
ساتنې په موخه له اړوندو ادارو سره همکاري وکړي او د چاپېریالي اصولو مراعات خپل
ملي، اسلامي او انساني مسؤلیت وګڼي.
الله تعالی دې زموږ اخترونه له رحمت، خوښۍ، یووالي او پاک
چاپېریال سره مل کړي.
والســـــــــــلام
د چاپېریال ساتنې عمومي اداره