وروستی
اسعدآباد ښار کې د مختلفو فعالیتونو چاپېریالي وضعیت و ارزول شو
۱۴۴۷ کال
د ذوالقعدې۲مه
نېټه/ کونړ
په فعالیتونو کې د چاپېریالي د تطبیق په پار د کونړ ولایت د
چاپېریال ساتنې رئیس ډاکټر محمد الرحمن صابر په مشرۍ نظارتي ټیم له لوري اسعداباد ښار
کې د مختلفو فعالیتونو د چاپېریالي وضعیت څارنه او ارزونه وشوه.
د مرکز اسعداباد اړوند کرهالې سیمه کې د طبي زبالو د تنظیم
او شخصي حفظ الصحې د ساتنې په موخه د البېروني په نوم روغتيايي کلینیک د چاپېریالي
وضعیت څارنه او ارزونه وشوه او مسوولینو ته یې د اصلاح په موخه لازمې سپارښتنې وکړې.
د یاد ریاست نظارتي ټیم له لوري اسعداباد اړوند دوشاخيلو سیمه
کې د حسيب الله په نوم د پرماتيت قيمتي ډبرو د استخراج چارو اروزنه وشوه؛ کان کېندونکي
د چاپېریالي اصولو تطبیق ته وهڅول شوې او سپارښتنې ورته وشوې چې خپل فعالیتونه معیاري
د اصولو مطابق عیار کړي.
همدا راز د ځنګلونو او وحشي ژوو د ساتنې په پار د شینکوړک
درې له مشرانو، ځوانانو او عامو خلکو سره د کونړ ولایت د چاپېریال ساتنې ریاست د
مفتشینو لیدنې وشوې او د ځنګلونو د ارزښت، د وحشي ژوو او مرغانو د ساتنې او د چاپېریال
د اهمیت په اړه یې ورته عامه پوهاوی ورکړ، خلک یې وهڅول چې د طبیعي منابعو په
ساتنه کې فعاله ونډه واخلي او د چاپېریال ساتنې اصول مراعت کړي.