وروستی
لغمان کې د کبانو او مرغانو ښکار د مخنیوي په موخه پراخ کمپاین ترسره شو
۱۴۴۷ کال
د شوال۱۹نېټه/
لغمان
د مرغانو او کبانو د ناقانونه ښکار د مخنیوي کمپاین پر دوام
د لغمان ولایت د چاپېریال ساتنې ریاست نظارتي ټیم له لوري مرکز مهترلام اړوند عمرزیو
د مختلفو سیمو څخه د الوتونکو او کبانو د ښکار د مخنیوي په موخه څارنه ترسره شوه.
د نظارت په لړ کې د غریب غونډۍ، تبۍ کُنج، پلوڅه، شیرګړ سیمې،
همدارنګه د مهترلام بابا دښته د ښکاریانو له شتون څخه پاکې شوې.
د څارنې پر مهال د ښکاریانو جوړې شوې مورچلې ونړول شوې او ښکاري
وسایل یې هم وسوځول شول.
د لغمان ولایت د چاپېریال ساتنې ریاست د دې ولایت له ټولو
اوسېدونکو څخه غوښتنه کوي چې د دې کمپاین په بریالیتوب کې له موږ سره همکاري وکړي،
د ښکاري سیمو او ښکاریانو په اړه امنیتي مسؤلینو ته خبر ورکړي او د دې ناوړه عمل
په مخنیوي کې خپله ونډه واخلي.