وروستی
مرکز او ولایتونو کې د چاپېریالي چارو مفتشین دوامداره نظارت کوي
۱۴۴۷ کال د رجب المرجب ۱۱نېټه/کابل-خوست-پروان-سرپل
د فعالیتونو په ترسره کولو د چاپېریالي اصولو د تطبیق،
هواککړتیا راکمولو او مخنیوي او همداراز چاپېریال ساتنې ته د پاملرنې په پار د
کابل، خوست، پروان او سرپل ولایتونو د چاپېریال ساتنې ریاستونو مفتشینو له لوري د
مختلفو فعالیتونو څخه نظارتونه ترسره شوي دي.
د طبي زبالو د کنټرول، تنظیم او شخصي حفظ الصحې د مراعتولو
په پار د تېرې ورځې په لړ کې د کابل ښار مختلفو ناحیو کې د ۱۰فعالیتونو (کلینیکونو، لابراتوار
خونو، هوټلونو او حمامونو ) د څرنګوالي او چاپېریالي وضعیت څارنه او ارزونه وشوه.
د خوست ولایت د چاپېریال ساتنې ریاست مفتشینو له لوري د جامو
مینځلو توکو ۳تولیدي
شرکتونو د چاپیریالي وضعیت څارنه او ارزونه ترسره شوه.
پروان کې د چاپېریالي چارو مفتشینو له لوري د کیک، کلچو او
بسکیټو تولیدي کارخونو د چاپېریالي وضعیت ارزونه وشوه؛ همداراز سرپل کې د مختلفو
اصنافو د فعالیتونو له څرنګوالي څخه نظارت ترسره شو.
د څارنې پر مهال د یادو فعالیتونو چاپېریالي وضعیت، کاري
ساحې پاکوالی، د حفظالصحې اصولو رعایت، او د شنو ساحو وضعیت څارنه وشوه او اړونده
مسؤلینو ته د چاپېریالي اصولو په رڼا کې مشخصې لارښونې او سپارښتنې وشوې.