وروستی
ټول هېواد کې د وحشي ژوو، مرغانو او کبانو ښکار بند دی، سرغړوونکي د قانون منګولو ته سپارل کیږي
۱۴۴۷ کال د ربیع الاول ۱۰نېټه/ لغمان-زابل-ارزګان
د لغمان، زابل او ارزګان ولایتونو د چاپېریال ساتنې ریاستونو
مسوولینو له لوري د ښکار د مخنیوي په تړاو د ا.ا.ا ریاست الوزراء عالي مقام د ۱۱۴ګڼه د تطبیق په پار د وحشي
ژوو، مرغانو او کبانو د ښکار د مخنیوي کمپاین ترسره شو.
د لغمان ولایت د چاپېریال ساتنې رئیس حاجي احمد شاه
"ابراهیم" په مشرۍ د مرغانو د پېر او پلور مارکيټ څخه نظارت ترسره شو چې
په پایله کې ۲
شاهین، ۴
بادخورک او ګڼ شمېر صحرايي مرغان ترلاسه، د اړوندو ادارو استازو په حضور کې ازادې
فضا ته خوشې شول، ښکاریان عدلي ارګانونو ته معرفي او دکانونه یې مُهرولاک شول.
د زابل ولایت د چاپېریال ساتنې رئیس مُلا حکیم الله فاروق
په هڅو او د امنیتي ادارو مجاهدینو په همکارۍ د دې ولایت د دایچوپان ولسوالۍ سرې
کلا په سیمه کې یو تن ښکاري چې هوسۍ یې ښکار کړې، ونیول شو؛ له نوموړي ښکاري سره یو
میل سلاح هم نیول شوې چې د نورو اجرااتو لپاره امنیتي مسوولینو ته وسپارل شو.
همدا راز ارزګان کې هم د چاپيريال ساتنې رياست مسوولینو له
لوري ترینکوټ کې د ښکاري وسایلو او مرغانو د پېر او پلور هټیو څخه نظارت ترسره شو
او هټۍوالو ته د ښکار د مخنیوي په هکله عامه پوهاوی ورکړل شو.
د چاپېریال قانون له مخې په هېواد کې د هر ډول وحشي ژوو،
مرغانو او کبانو ښکار او قاچاق بند دی؛ که هر څوک په دې تور ونیول شول عدلي او قضایي
ارګانونو ته به وسپارل شي.