وروستی
ولایتونو کې په دوامداره توګه د هواککړوونکو سرچینو څخه نظارت کیږي
۱۴۴۷ کال د صفر ۱۸مه
د غزني، پکتیکا، خوست او کونړ ولایتونو د چاپېریال ساتنې ریاستونو
له لوري د یو شمېر فعالیتونو څارنه وشوه.
غزني کې د هواککړتیا راکمولو او مخنیوي په موخه د چاپېریالي
چارو مفتشینو له لوري د شپږمې ناحيې اړوند سيمو کې د ګچ د تولید او پروسس (۲۲) شرکتونو او (۷) شيرينی پزيو د فعالیتونو د څرنګوالي
او چاپېریالي وضعیت څارنه وشوه؛ همدا راز د ښکار د مخنیوي په موخه د مرغانو د پېر
او پلور بازار څخه نظارت ترسره شو او لازمې لارښوونې او سپارښتنې ورته وشوې.
د پکتیکا ولایت د چاپېریال ساتنې ریاست او FGA مؤسسې په
ګډه همکارۍ د ځمکې لاندې اوبو د تقویې په موخه د سلیمانزو په کلي کې د (۶۰۰) کندو د کېندنې عملي چارې پيل
شوې.
د خوست ولایت د چاپېریال ساتنې ریاست مسوولینو له لوري د
حفظ الصحې د ساتلو په موخه د ښار ( ۳) ناحیې
اړوند متون لین کې د شیریخ تولیدي کارخونو څخه نظارت او ارزونه ترسره شوه او مسوولین
یې چاپېریال ساتنې ته وهڅول شول.
د ښکار د مخنیوي کمپاین پر دوام د کونړ ولایت د چاپېریال
ساتنې ریاست مفتشینو له لوري مرکز اسعداباد
کې د لنډي سيند په اوږدو کې دوه کب نیوونکي ښکاريان ونيول او ليکلې ژمنې ترې
واخيستل شوې چې بیا به ښکار نه کوي.