وروستی
د ښکار د مخنیوي، طبیعي منابعو د اهمیت او چاپېریال ساتنې په هکله سلګونو امنیتي ځواکونو ته عامه پوهاوی ورکړل شو
۱۴۴۷ کال د محرم ۷مه / میدان
وردګ
د میدان وردگو ولایت د چاپېریال ساتنې رئیس مولوي الله محمد
ذاکر په مشرۍ د عامه پوهاوي ټیم له خوا د یاد ولایت ښونیز او روزنیز مرکز (۷۰۰) تنو پولیسو ته د ښکار د مخنیوي،
طبیعي منابعو د اهمیت او مختلفو چاپېریالي مسایلو په هکله د یو ورځني رزونیز
ورکشاپ په لړ کې عامه پوهاوی ورکړل شو.
د روزنیز ورکشاپ په لړ کې د قرانکریم مبارکو آیتونو له
تلاوت وروسته د میدان وردګو ولایت د چاپیریال ساتنې رئیس مولوي الله محمد ذاکر د
چاپېریال ساتنې، ښکار د مخنیوي او طبیعي منابعو د اهمیت په اړه وینا وکړه او طبیعي
منابع یې د هیواد ملي شتمني یاده کړه چې باید ساتنه یې وشي.
همداراز نوموړي یادونه وکړه چې د اسلامې امارت ساتونکي مکلف
دي چې د هیواد په هرځای کې د وحشي ژویو د قاچاق، ښکار د مخنیوي او طبیعي منابعو د
ساتنې په برخه کې خپل ملي مسولیت ادا کړی، دغه راز د چاپېریال ساتنې رئیس زیاته کړه
چاپیریال ساتنه او پالنه د ټولني د ټولو وګړو دینی، ایماني او وجداني دنده او مسولیت
دی چې باید ادا یې کړي، همدارنګه نوموړي د افغانستان اسلامي امارت د ریاست الوزراء
عالي مقام (۱۱۴)ګڼه
هدایت چې د وحشي ژوو د ښکار د مخنیوي په اړه صادر شوی و، له ګډونوالو سره شریک کړ
او پر ساتونکو یې غږ وکړ چې د وحشی حیواناتو او مرغانو ښکار، قاچاق او طبیعي
منابعو په ساتنه کې کوټلي ګامونه واخلي.
د ورکشاپ په لړ کې د چاپېریال ساتنې ریاست د طبیعي میراثونو
عمومي مدیر له لوري د طبیعي منابعو، وحشي ژوو او مرغانو د اهمیت، ښکار او قاچاق د
مخنیوي او مهمو چاپېریالي مسایلو په هکله معلوماتي پرزنټېشن وړاندې شو، همدارنګه
پاتې دې نه وي چې په یادو ساتونکو باندې چاپیریالي پیغامونه چې د چاپیریال ساتنې،
طبیعې منابعو اهمیت او د ښکار مخنیوی پکې بیان شوی وو، وویشل شول.
دغه راز دمیدان وردګو ولایت دچاپیریال ساتنی ریاست پر ټولو امنیتي مسوولینو غږ کوي چې د وحشي ژوو،
کبانو او مرغانو د ښکار او قاچاق په مخنیوي کې خپل مسوولیت ادا کړي او له دې ریاست
سره هر اړخیزه همکاري وکړي.