وروستی
د هلمند په ګرمسير کې یو کوتڼ مارغه د ښکاریانو له منګلو وژغورل شو
۱۴۴۶کال د ذوالقعدې ۱۲نېټه/ هلمند
د هلمند ولایت د چاپېريال ساتنې ریاست مسوولینو د ګرمسير
ولسوالۍ مجاهدینو په همکارۍ یو کوتڼ مرغه د ښکاريانو له منګلو څخه خلاص او د درملنې
او پالنې په موخه هلمند ژوبڼ ته وسپارل شو.
کوتڼ د افغانستان د ساتنې وړ وحشي ډولونو په نوملړ کې شامل
مارغه ده چې نسل یې د ورکېدو له ګواښ سره مخ دی، ښکار او قاچاق یې په ټول هېواد کې
بند دی.
هېره دې نه وي چې د تېرې یوې میاشتې په لړ کې د هلمند ولایت
په مختلفو سیمو کې ۵دانې
کوټن مارغان د ښکاریانو له منګلو خلاص او په کجکي ډنډ کې خوشې شوي دي.
د ا.ا.ا د ریاست الوزرا عالي مقام د حکم په اساس په ټول
هېواد کې د وحشي ژوو، مارغانو او کبانو ښکار بند دی؛ که هر څوک د ښکار په تور
ونیول شول، عدلي او قضایي ارګانونو ته به وسپارل شي چې بیا هیڅوک د
شکایت حق نه لري.