وروستی
پالیسي او مسلکي معین: د طبعي زبالو د تنظیم او مدیریت په برخه کې دي لازم اقدامات ترسره شي
۱۴۴۶کال د ذوالقعدې ۱۰مه/کابل
د چاپېریال ساتنې
ملي ادارې پالیسي او مسلکي معین ډاکټر ملا زین العابدین عابد په مشرۍ د طبي زبالو
د تنظیم کمېټې د دې ادارې د بند امیر د غونډو په تالار کې ناسته وکړه چې پکې د
نورو اړوندو اماراتي ادارو استازو او د دې ادارې متخصصینو ګډون کړی وو.
غونډه د قران عظیم الشان د مبارکو آیتونو په تلاوت پیل شوه
ورپسې د دې ادارې پالیسي او مسلکي معین ډاکتر ملا زین العابدین عابد د ګډونوالو
هرکلی وکړ او زیاته یې کړه: طبي زبالې ډیرې خطرناکې دي، بايد د عادي زبالو څخه جلا
او په خاص ځای کې له منځه يوړل شي، د بې ځايه
غورځېدو مخنيوی یې وشي، ځکه ګڼې روغتيايي ستونزې رامنځته کولای شي.
ښاغلي عابد وويل: د طبي زبالو د تنظيم په برخه کې په ځينو
ولايتونو کې شرکتونو په کار پيل کړی دی، دغه چاره بايد په ټول هېواد کې پيل شي او
اړوند شرکتونه خپل خدمات په معياري شکل وړاندې کړي.
نوموړي د اړوندو اماراتي ادارو استازو څخه چې د دې کمېټې غړي
دي غوښتنه وکړه د طبي زبالو د تنظيم په برخه کې مسؤليت په ښه توګه ترسره کړي.
د غونډې په جريان کې د کېمټې لخوا د تېرو ناستو راپور
واريدل شو، ستونزې په نښه او د حل لارو لارښوونه وشوه.
په پای کې د کمېټې غړو د طبي زبالو د له منځه وړلو او سوځولو،
انتقال، طبي زبالو د شرکتونو د مسؤليت او رول په تړاو هر اړخیز بحث وشو او يو لړ
تصاميم ونيول شول.