وروستی
د ښکار مخنیوی او د ځنګلونو ساتنه د ټولو هېوادوالو ګډ مسوولیت دی
۱۴۴۶کال د شوال ۷مه/ لغمان-بدخشان-پروان-کونړ
د ښکار د مخنیوي او ځنګلونو د
ساتنې په تړاو د ریاست الوزرا عالي مقام د (۱۱۴) ګڼه حکم د تطبیق په موخه د
چاپېریال ساتنې ملي ادارې د لغمان، بدخشان، پروان او کونړ ولایتونو د چاپېریالي
چارو مفتشینو له لوري وخت په وخت په پراخه توګه د عامه پوهاوي کمپاینونه ترسره کیږي
چې موخه یې په ټول هېواد کې د ځنګلونو او وحشي ژوو ساتنه ده.
د دې ادارې مفتشینو له لوري په لغمان او بدخشان ولایتونو کې
د الوتونکو د پېر او پلور یو شمېر هټۍوالو ته د ښکار د مخنیوي په هکله عامه پوهاوی ورکړل شو او سپارښتنې
ورته وشوې چې د وحشي ژوو او هغو مارغانو چې نسل یې د ورکېدا له ګواښ سره مخ دی، له
پېر او پلور څخه دې ډډه وکړي چې هټۍوالو هم د هر ډول همکارۍ ژمنه وکړه.
همدا راز د پروان ولایت د ګلغونډۍ تفریحي پارک او کونړ کې
د وټپور ولسوالۍ اړوند ګمبیر سیمې د طبیعي ځنګلونو څخه نظارت ترسره شو او د یادو سیمو
خلکو ته سپارښتنې وشوې چې د ځنګلونو په ساتنه کې دې له حکومت سره همکاري وکړي.
د ښکار مخنیوی او د ځنګلونو ساتنه د ټولو هېوادوالو ګډ
مسوولیت دی، که هرڅوک د ښکار کولو او یا ځنګلونو وهلو په جرم ونیول شول، له سخت
قانوني چلند سره به مخ شي.