وروستی
د غږیزې ککړتیا د مخنیوي په موخه د کابل ښار مختلفو ناحیو کې ۹۱ لوډسپېکرونه راټول او ضبط شول
۱۴۴۵کال د ذی الحجې ۲۵مه/ کابل
د چاپېریال ساتنې ملي ادارې مفتشینو د غږیزې ککړتیا د مخنیوي
په موخه د تېرې ورځې په لړ کې د کابل ښار (۴-۵-۶-۸-۹-۱۰-۱۱-او ۱۳) ناحیو کې د معدني اوبو، آیسکریم،
سبزي او میوه پلورونکو څخه ۹۱لوډسپېکرونه
راټول او ضبط شول.
همدا راز د چاپېریالي چارو مفتشینو د کابل ښار په مختلفو ناحیو کې د ۷۹ بېلابېلو فعالیتونو مسوولینو
او مالکینو ته سپارښتنه وکړه چې د پېر او پلور پر مهال باید له لوړ غږ لرونکو لوډسپیکرونو
څخه کار وانخلي او له مجاز حد څخه زیات لوړ غږونه خپاره نه کړي؛ ځکه چې لوړ غږونه
د انسانانو په روح او روان ناوړه اغېزې کوي، د ناروغانو، لوړ عمره اشخاصو او
ماشومانو د ازار او اذیت لامل ګرځي.
د یادونې وړ ده چې د هواککړتیا د راکمولو او مخنیوي مقررې په اساس هر ډول وسایل چې
له مجاز حد څخه زیات لوړ غږونه خپروي او د هېوادوالو د ازار او اذیت لامل ګرځي،
کارول یې منع دي؛ که هر چا له دې امر څخه سرغړونه وکړه د قانون منګولو ته به
وسپارل شي.
د هېوادوالو د شکایتونو پر اساس د چاپېریال ساتنې ملي ادارې په مرکز او ولایتونو کې
خپل نظارتي ټیمونه موظف کړي؛ ترڅو د هر ډول ککړتیا مخه ونیسي او له سرغړوونکو
سره جدي چلند وکړي.