وروستی
پکتیا کې یوه بېزو او لغمان کې ۲۰۰ الوتونکي د ښکاریانو له منګولو خلاص او آزاد شول
۱۴۴۵کال د ذی القعدې 11مه/لغمان-پکتیا
د لغمان او پکتیا ولایتونو د چاپېریال ساتنې ریاستونو مسوولینو
د دویمې امنیتي حوزې او استخباراتو مجاهدینو په همکارۍ د ښکار د مخنیوي په تړاو د ریاست الوزرا عالي مقام د احکامو د تطبیق په
موخه د لغمان په مختلفو سمیو کې د ښکار د مخنیوي پراخ اقدامات ترسره کړل چې په ترڅ
کې یې د مهترلام بابا دښتې، غریب غونډۍ او د سرخکانو پورې سیمو کې یو شمېر ښکاریان
د ۲۰۰ مړزانو،
باښو او د ښکار له وسایلو سره ونیول؛ همدا راز د پکتیا په احمد آباد ولسوالۍ کې یوه
بیزو ونیول شوه.
نیول شوې بیزو او الوتونکي د ښکاریانو له منګولو خلاص او
ازاد شول؛ ښکاریانو ته د ښکار د مخنیوي په هکله پوهاوی ورکړل شو او سپارښتنه ورته
وشوه چې نور له ښکار څخه ډډه وکړي او که بیاځلي ونیول شول اصولي چلند به ورسره وشي.
د یادونې وړ ده چې د ښکار د مخنیوي په تړاو د چاپېریال ساتنې
ملي ادارې لخوا په مرکز او ولایتونو کې په مکرر ډول له ټولنیزو رسنیو، اعلامیو،
غونډو او خبرتیاوو له لارې خلکو ته عامه پوهاوی ورکړل شوی او ورکول کیږي.
همدارنګه د ټولو ولسوالیو، اړوندو همکارو ملکي او نظامي
ادارو ته هم د ښکار د مخنیوي لپاره د لازمو اجراآتو د ترسره کیدو په موخه مکتوبونه
لیږل شوي دي؛ ترڅو د ټول هېواد په کچه د ښکار مخه ونیول شي.