وروستی
هغه ښکاریان ونیول شول چې نیمروز کې یې زاڼې ښکار کړې وې
۱۴۴۵کال
د شعبان ۲۳/نیمروز
د نیمروز ولایت د چاپېریال ساتنې رئیس مولوي حبیب الله
مظهري له رسنیو سره په مرکه کې ویلي چې څلور تنه هغه ښکاریان یې نیولي او محکمې ته
یې سپارلي چې څو ورځې وړاندې یې په نیمروز ولایت کې زاڼې ښکار کړې وې.
د جمعې په ورځ د ۱۴۴۵کال د شعبان په ۱۹مه نېټه په ټولنیزو رسنیزو کې
د څو تنو ښکاریانو عکسونه چې زاڼې یې ښکار کړې وې په داسې حال کې خپاره شوي وو چې
د ریاست الوزرا عالي مقام حکم په اساس په ټول هیواد کې د وحشي ژوو، نادرو الوتونکو
او ټولو هغو انواعو ښکار او قاچاق چې نسل یې د ورکېدا له ګواښ سره مخ دی؛ په ټول هېواد
کې بند دی.
د نیمروز ولایت د چاپېریال ساتنې ریاست د امنیه قوماندانۍ
او استخباراتو مسوولینو په همکارۍ د نه ستړې کېدونکو هلو ځلو په ترڅ هغه څلور تنه
هغه ښکاریان ونیول چې د نمیروز ولایت په دښتو کې یې قیمتي او نادر مارغان (زاڼې) چې
نسل یې د روکیدا له ګواښ سره مخ او د افغانستان د ساتنې وړ وحشي ژوو په سره نوملړ
کې شامل دي؛ ونیول شول.
د نیمروز ولایت د چاپېریال ساتنې رئیس له رسنیو سره په مرکه
کې ویلي چې د ا.ا.ا ریاست الوزرا عالي مقام ۱۱۴ګڼه حکم په اساس په ټول هېواد
کې د هر ډول نادرو الوتونکو او وحشي ژوو ښکار او قاچاق بند دی او هر څوک چې د ښکار
په تور ونیول شول عدلي او قضایي ارګانونو ته به معرفي او اصولي
چلند به ورسره وشي.