وروستی
ننګرهار پوهنتون کې د لومړي ځل لپاره د اقلیم بدلون نړۍوال کنفرانس جوړ شو
۱۴۴۵کال
د شعبان ۱نېته/
ننګرهار
د چاپېریال ساتنې ملي ادارې او لوړو زده کړو وزارت په همغږۍ،
د ننګرهار پوهنتون په نوښت او کوربتوب د ۱۴۰۲کال د سلواغې په ۲۱مه نېټه په افغانستان کې د
لومړي ځل لپاره د اقلیم بدلون نړۍوال درې ورځنی کنفرانس جوړ شو چې پکې د ا.ا.ا ریاست
الوزراء عالي مقام سياسي مرستیال مولوي عبدالکبیر
د چاپېریال ساتنې ملي ادارې عمومي رئیس حافظ عزیز الرحمن، د لوړو زده کړو وزیر او علمي معین، د چارو اداری عمومي رئیس، د ښار جوړونې وزیر، د عامې روغتیا وزیر، د اوبو او انرژۍ وزارت معین، د کرنې او مالدارۍ وزیر، د کلیو بيارغوني او پراختيا وزیر، د امر بالمعروف وزارت معین، د ۴۰ بهرنيو هېوادونو استادانو او متخصصینو، د ننګرهار ولایت مقام استازو، د ګڼ شمېر امارتي ادارو رئیسانو او مسولینو، د نړیوالو مؤسساتو مسوولینو، د هیواد په کچه د مختلفو پوهنتونونو استادانو، علمای کرامو او د رسنیو استازو په ګډون د شانداره مراسمو په ترڅ کې پیل شو.
یاد کنفرانس د قران عظیم الشان مبارکو آیتونو په تلاوت پیل او ورپسې د ننګرهار پوهنتون رئیس دوکتور خليل احمد بهسودوال د پرانېستې وینا وکړه او د کنفرانس ګډنوالو ته یې ښه راغلاست ووایه او د کنفرانس پر محتویاتو یې مفصلې خبرې وکړی.
د افغانستان اسلامي امارت لوړ پوړو چارواکو په خپل نوبت سره خبرې وکړې او د اقلیمي بدلون د مخنیوي په هکله یې ګډونوالو ته هر اړخیز معلومات وړاندې کړل.
د چاپېریال ساتنې ملي ادارې عمومي رئیس حافظ عزیز الرحمن د یاد کنفرانس د جوړیدو څخه خوښي وښوده او د داسې کنفرانسونو د دوام غوښتنه یې وکړه..
نوموړي د اقلیمي بدلون پر وړاندې د مبارزې او سازښت په هکله د چاپېریال ساتنې ملي ادارې پر فعالیتونو هر اړخیزې خبرې وکړې او د لوړو زده کړو محترم وزرات او ننګرهار پوهنتون له رهبرۍ څخه یې مننه وکړه
د کنفرانس په لړ کې د چاپېریال ساتنې ملي ادارې د اقلیمي بدلون رئیس انجنیر روح الله امین د کنفرانس ګدونوالو ته د اقلیمي بدلون له امله د افغانستان په کچه د ناوړه اغېزو او راتلونکو پایلو په هکله هر اړخیز تخنیکی پریزنټیشن ارایه کړ.
د کنفرانس تر افتتاحیه غونډی وروسته د لوړو زده کړو وزیر او نور مسولینو په ننګرهار پوهنتون کې د درې ورځني نندارتون پرانیسته هم وکړه او له نېږی یې لیدنه وکړه.
د یاد کنفرانس په لړ کې د چاپېریال ساتنې ملي ادارې لخوا د هیواد د طبیعي منظرو،
ساتل شوو سیمو، ملي پارکونو او وحشي ژوو د معرفۍ په هکله انځوریز نندارتون جوړ شوی و او لیدونکو ته یې په هکله معلومات ورکړل شول.
