وروستی
د میدان وردگو ولایتي روغتون د طبي پاتې شونو او چاپېریالي وضعیت څارنه وشوه
۱۴۴۵کال
د رجب۲۶مه/میدان
وردګ
د میدان وردگو ولایت د چاپېریال ساتنې رئیس مولوي الله محمد
ذاکر په مشرۍ نظارتي ټیم د ولایتي روغتون د چاپېریالي وضعیت د ارزونې او طبي پاتې
شونو د تنظيم په موخه تېره ورځ له یاد روغتون څخه نظارت وکړ. د نظارت په لړ کې د
طبي پاتې شونو د تنظیم او مدیریت په موخه د عامې روغتیا ریاست له مرستیال سره
ناسته وشوه او په فني او مسلکي ډول د طبي زبالو د له منځه وړلو لپاره د مناسب ځای
د انتخابولو په تړاو هر اړخیز بحث وشو.
دغه راز د میدان وردګو ولایت د ولایتي روغتون د ټولو وارډونو
او طبي پاتې شونو د تجمع له ځایونو څخه نظارت ترسره شو، د مفتشینو لخوا د یاد
روغتون مسوولینو ته د طبي پاتې شونو په برخه کې موجوده نېمګړتیاوې او چاپېریالي
ستونزې په ګوته شوې، د چاپېریال قانون او مقرراتو په هکله ورته معلومات ورکړل شول
او سپارښتنه ورته وشوه چې د خطرناکو ناروغیو د مخنیوي په موخه باید طبي پاتې شونې
په سمه توګه مدیریت او له منځه یووړل شي.
د ولایتي روغتون مسوولینو په خپلو فعالیتونو کې د چاپېریالي
اصولو د تطبیق او طبي پاتې شونو د لا ښه مدیریت په برخه کې د چاپېریال ساتنې رئیس
او مفتشینو ته د همکارۍ ډاډ ورکړ.