وروستی
د چاپېريال ساتني ملي ادارې مرستیال کندهار ته د سفر پرمهال د يو شمېر صنعتي فابریکو فعالیتونه و ارزول
٢٥/رجب المرجب/ ١٤٤٥هـق
د چاپېريال ساتني ملي ادارې پالیسۍ او مسلکي مرستیال ډاکټر زين العابدين عابد
کندهار ته د سفر پرمهال د ښوراندام صنعتي پارک څخه د نژدې لېدنه وکړه او د کندهار
چاپيريال ساتني رٸيس مولوي محمد يوسف حذيفه په ملتيایې د څلورو صنعتي فابريکو څخه
نظارت تر سره کړ او د هغوي د فعالیتونو چاپیریالي ارزونه يې وکړه.
د نظارت په ترڅ کي د شمس مدينه سټيل د اوسپني ويلي کولو او سيخ ګول د توليد فابريکې،
ميلکو د لبنياتو د پروسيس او توليد فابريکې، کندا فروټ د ميوه جات د پروسيس، بسته
بندۍ او فموګيشن فابريکې او افغان انار د تازه ميوې جوس د توليد فابريکې مسؤلینو د خپلو فعالیتونو
اړوند معلومات د چاپيريال ساتني ملي ادارې مرستیال ښاغلي عابد ته وړاندي کړه.
نوموړي خوښي څرګنده کړه چي پانګوالو پخپل هيواد کي پانګونه کړې ده، له يوه طرفه یې
زرګونو هيوادوالو ته کار زمينه برابره کړې او له بل لوري یې هيواد د نورو هیوادونو
د احتیاج څخه خلاص کړى دى.
ښاغلي عابد وويل د افغانستان اسلامي امارت مشرتابه د صنعتي فابريکو فعالیت ته ډېره
پاملرنه کوي او صنعتکاران د هیواد په پرمختګ کي مهم رول لري.
همدارنګه د فابريکو مالکينو خپلي يو شمېر ستونزي د چاپيريال ساتني ملي ادارې د
مرستیال سره شريکي کړې چي د نوموړي لخوا ورته د حل او همکارۍ ډاډ ورکړل شو.