وروستی
ننګرهار کې د نیالګیو کېنولو ملي کمپاین د بوټو په ایښودلو پیل شو
۱۴۴۵کال
د رجب۲۳مه/ننګرهار
ننګرهار کې د اړوندو ادارو په همغږۍ د نیالګیو کېنولو ملي
کمپاین د بوټو په ایښودلو رسماً پيل شو. په دې مراسمو کې د ا.ا.ا لوړپوړو چارواکو
او اړوندو ادارو مسوولینو او استازو ګډون کړی وو.
د
مسوولینو په وینا سږ کال په ننګرهار ولایت کې (۵۳۳۲۲۰۶) مختلف النوع مثمر، غیر مثمر
او زینتی بوټي او نیالګي تولید شوي چې په ايښودلو سره به یې د چاپېریال د سمسورتیا،
د هوا پاکوالي او اقلیمي بدلون سره د مبارزې په برخه کې خورا ګټور او د ننګرهار
ولایت د ښکلا لپاره اغیزمن وي.
په دې مراسمو کې وینا والو د نیالګو د اهمیت، ساتنې او پالنې
په هکله ویناوې وکړې د ننګرهار ولایت د چاپیریال ساتنې رئیس انجنیر فیروز محمدزي
هم د نیالګیو د ګټو تر څنګ له اقلیمي بدلون سره د سازګارۍ او کمښت په برخه کې د
ونو او بوټو د اهمیت په هکله خبرې وکړې.
د ننګرهار ولایت د چاپېریال ساتنې ریاست له ټولو هیوادوالو
غوښتنه کوي چې په راتلونکي پسرلي کې د چاپېریال د سمسورتیا لپاره نیالګي کېنوي او
همدا راز ساتنې او پالنې ته یې خاصه پاملرنه وکړي.