د کار موندنې خبرتیا

لکه څنګه چې ټولو ته معلومه ده په دا وروستیو کې له پاکستان څخه په زرګونو افغان
کډوال په زوره را ایستل شوي چې ډیرې کورنۍ بې کوره او له ګڼو اقتصادي ستونزو سره
لاس او ګریوان دي.
د چاپېریال ساتنې ملي ادارې رهبري د افغان کډوالو سره د خواخوږۍ
 په موخه هېواد ته نوي راستانه شوو افغان کډوالو لپاره د کاري فرصت پیدا کولو په موخه

 د دې ادارې په خالي بستونو کې د ازاد رقابت له لارې د مسلکي کسانو ګمارنې پروسه کې
 هېواد ته راستنو شوو مهاجرینو ته لومړیتوب ورکوي.
هغه مهاجرین چې د چاپېریال ساتنې، زراعت، جیولوجي معدن او د اعلان شوو بستونو
 د وظیفوي لایحې د شرایطو  مطابق یې لوړې زده کړې کړې وي؛ کــولای شــي
 د چاپېریال ساتنې ملي ادارې په اعلان شوو  ولایتي (ننگرهار، بلخ ،کندز، کندهار، هرات،
 هلمند، خوست ، بغلان، بامیان، بادغیس، غزنی، پکتیا، پکتیکا، جوزجان، لوگر، سرپل، فراه،
 نیمروز ) بستونو کــې نوم لیکنه وکړي او (د خپلې تذکرې، تحصیلي اسنادو، د مهاجرت
 د تثبیت او د مهاجرینو کمیسیون د تائیدي اسناد) کاپي دې ورسره یوځای کړي. د اسنادو
 له ارزونې او آزموینې وروسته به د شفافې پروسې په لړ کې په شرایطو برابرکسان د دې
 ادارې په خالي بستونو کې پر دندو  وګومارل شي.
پاملرنه: دا اعلان د صدور له نېټې څخه وروسته تر یوې میاشتې پورې د اعتبار وړ دی.

Nov 9, 2023