وروستی
لښکرګاه کې د غږیزې ککړتیا د مخنیوي په موخه له یو شمیر وسایطو څخه لوړ غږ لرونکي هارنونه او سلنګسران خلاص شول
۱۴۴۵کال
د ربیع الاول ۱۱نېټه/
هلمند
د هلمند ولایت د چاپېریال ساتنې ریاست په نوښت د غږیزې ککړتیا
د مخنیوي کمیسیون چې د ولایت مقام، ښاروالۍ او ترافیکو مدیریت استازي یې غړیتوب
لري تېره ورځ د لښکرګاه ښار په دویمه ناحیه کې له یو شمېر موټرونو، موټر سایکلو او
رکشاوو څخه لوړ غږ لروونکي هارنونه چې د مجاز حد غږ لوړ او د خلکو د ازار او اذیت
سبب ګرځیدل؛ خلاص شول.
د چاپېریال ساتنې ملي ادارې د غږیزې ککړتیا د راټیټولو او
مخنیوي مقرري نهمې مادې په اساس په نقلیه وسایطو کې د لوړ ږغ لرونکي هارنونه او ږغ
لرونکي سلنګسران ممنوع دي او همدا رنګه هیڅ شخص حق نلري چې لوړ ږغ لرونکي هارنونه
بازار ته وارد او وړاندې کړي.
د چاپېریال ساتنې ملي اداره له ټولو هېوادوالو غواړي چې دې
برخې ته جدي پاملرنه وکړي او په خپلو وسایطو کې لوړ غږ لرونکي هارنونه او سلنګسرونه
نصب نه کړي. که هر چا سرغړونه وکړه قانوني چلند ورسره کیږي.