وروستی
د چاپېریالي اصولو تطبیق کول د ټولو مسؤلیت دی
۱۴۴۵کال
د صفر 1۳نېټه/
میدان وردګ-لغمان
د میدان وردگو ولایت د چاپېریال ساتنې رئیس مولوي الله محمد
ذاکر په مشرۍ نظارتي ټیم په میدانښار کې د کابل-کندهار عمومي سړک د جوړلو له چارو
څخه نظارت وکړ.
د چاپېریالي چارو مفتشینو د یاد سړک قراردادي شرکت مسوولینو
چاپېریالي اصول او مقررات بیان کړل او سپارښتنه یې ورته وکړه چې خپل فعالیت د چاپېریالي
اصولو مطابق ترسره کړي.
همدا راز د لغمان ولایت د چاپېریال ساتنې ریاست نظارتي ټیم
په مهترلام ښار کې د یخ جوړولو له یوې فابریکې څخه نظارت وکړ او مسوولینو ته یې
سپارښتنه وکړه چې خپل فعالیت د چاپېریال قانون او مقرراتو مطابق عیار کړي.
د یادونې وړ ده چې د چاپېریال ساتنې ملي ادارې نظارتي ټیمونه
په مرکز او ولایتونو کې له هر ډول فعالیتونو څخه په دوامداره توګه نظارت کوي او
هغه فعالیتونه چې چاپېریالي اصول نه مراعتوي جدي او قانوني چلند ورسره کیږي.