وروستی
د ۶ دولتي روغتونونو د فاضلابو له سیسټمونو څخه څارنه وشوه
۱۴۴۵کال
د مُحرم ۱۴نېټه/
کابل
د چاپېریال ساتنې ملي ادارې مفتشینو د چاپېریالي اصولو د
تطبیق په موخه دکابل طبي پوهنتون، افغان ترک، علي اباد، سره صلیب، ابن سینا او
فرانسویانو روغتونونو د فاضلابو له سیسټمونو څخه نظارت وکړ.
د دې ادارې مفتشینو د یادو روغتونونو مسوولینو ته موجوده نیمګړتیاوې
په ګوته کړې؛ چاپېریالي اصول یې ورته بیان کړل او سپارښتنه یې ورته وکړه چې خپل
فاضلاب تصفیه او طبې زبالې باید مناسبو ځایونو ته په مصئونه طریقه انتقال شي؛ ترڅو
د ډول ډول ناروغیو د خپریدو مخه ونیول شي.
د یادولو
وړ ده چې په سیندونو، ویالو، کرنیزو ځمکو او عامه ځایونو کې د فاضلابو خالي کول
جرم او د چاپېریالي اصولو خلاف عمل دی که هرچا دا عمل ترسره کړ د قانون منګولو ته
به وسپارل شي.