وروستی
د چاپېریالي چارو مفتشینو ته د مشرتابه له لوري په کارونو کي د ښه والي او ستونزو د حل په موخه لازمي سپارښتني وشوې
۱۴۴۴کال د ذوالحجې ۲۵/ کابل
د چاپېریال ساتنې ملي ادارې پالیسي او
مسلکي معین ډاکټر زین العابدین عابد په مشرۍ د دې ادارې د چاپېریالي چارو مرکزي
مفتشینو په ګډون مشورتي غونډه ترسره شوه.
په دې غونډه کې چې د مرکزي ادارې ټولو مفتشینو ګډون کړی وو، د چاپېریال ساتنې ملي
ادارې پالیسي او مسلکي معین لخوا مفتشینو ته ګڼې اصلاحي سپارښتنې وسوې او ترې ویې
غوښتل چې په پوره ایماندارۍ او صداقت سره خپلو کارونو ته متوجه شي.
ښاغلي عابد مفتشینو ته سارښتنه وکړه چې د کابل ښار د هوا ککړتیا د مخنیوي، په
صنعتي پارکونو کې په جدي توګه د اوبو د مدیریت او اسراف د مخنیوي، ښاري او دولتي
ادارو د سپتیک څاه ګانو او فاضلابو څخه په جدي توګه نظارت وکړي؛ ټول فعالیتونه باید
د چاپېریالي قوانینو مطابق عیار او پر سرغړوونکو چاپېریالي اصول تطبیق کړي.
د غونډې په لړ کې د چاپېریالي چارو مفتشینو خپل اونیز راپور د ادارې مقام ته وړاندې
کړ او ژمنه یې وکړه چې په دوامداره او جدي توګه به له ټولو فعالیتونو څارنه کوي،
چاپېریالي قوانین او اصولو به ورته بیانوي او سرغړوونکي به د قانون منګولو ته
سپاري.
د یادونې وړ ده چې د تیرې اونۍ په لړ کې د دې ادارې مفتشینو د کابل ښار په ټولو
ناحیو کې له ۲۲۳ مختلفو فعالیتونو (فابریکو، روغتونونو، د دولتي او شخصي ودانیو د
فاضلابو او سپتیک څاه ګانو او مختلفو اصنفافو) له فعالیتونو څارنه کړې، مالکینو ته
یې چاپېریالي اصول بیان کړي دي او سپارښتنه ورته شوې چې خپل فعالیتونه د چاپېریالي
اصولو مطابق عیار کړي.