وروستی
د طبي زبالو د تنظیم کمېټې غونډه وکړه
۱۴۴۴کال
د ذالحجې ۶مه
– کابل
د چاپېریال ساتنې ملي ادارې پالیسي او
مسلکي معین ډاکټر زین العابدین عابد په مشرۍ د طبي زبالو د تنظیم کمېټې د دې ادارې
د بند امیر د غونډو په تالار کې لومړنۍ ناسته وکړه چې پکې د عامې روغتیا وزارت، ښار
جوړونې وزارت، اټومي انرژۍ کمیسون او کابل ښاروالۍ استازو، کابل طبي پوهنتون
استادانو او د دې ادارې متخصصینو ګډون کړی وو.
غونډه د قران عظیم الشان د مبارکو آیتونو په تلاوت پیل شوه او د دې ادارې پالیسي
او مسلکي معین ډاکتر زین العابدین عابد د ګډونوالو هرکلی وکړ او زیاته یې کړه: طبي
زبالې ډیرې خطرناکې دي چې د دې زبالو د سوځولو لپاره باید له ښار څخه لرې یو ځای
انتخاب او د کابل ښار د ټولو روغتونونو او کلینیکونو خطرناکې طبي زبالې باید هلته
محو شي.
ښاغلي عابد ټینګار وکړ چې د طبي زبالو د محو او سوځولو لپاره باید د کميټې د غړو
لخوا یو مشترک طرزالعمل جوړ سي؛ تر څو د چاپېریال ساتنې ملي اداره وکولی شي چې د
اسلامي امارت سره یې شریک او د جوړیدو لپاره یې ورته بودیجه ځانګړې شي.
د کمېټې غړو د طبي زبالو د محو او سوځولو، انتقال او له ښار څخه لرې د ځای مشخص کېدو
په تړاو هر اړخیز بحث وکړ او لاندې پرېکړې یې وکړې:
• د اړوندو ادارو د باصلاحیته استازو په شمول باید یوه کميټه جوړه سي.
• د طبي زبالو د محو او سوځولو پر ځای باید بحث وشي او له ښار څخه لرې ورته یو
مناسب ځای انتخاب شي.
• پر دې بحث وشي چې د طبي زبالو د سوځولو او محو کولو سټیشن د دولت لخوا جوړ سي که
خصوصي سکتور ته ورکړل شي .