وروستی
په زرنج ښار کې د پلاستیکي کثافاتو د پاکولو عمومي حشر ترسره شو
۱۴۴۴کال د ذی القعدې ۱۷مه - نیمروز
د نيمروز ولايت د چاپېريال ساتنې ریاست مسوولینو د چاپېريال نړيوالې ورځې د لمانځلو
په مناسبت د زرنج ښاروالۍ، د کرنې او مالدارۍ، عامې روغتيا، د هلمند سیندیزې فرعي
حوزې (زرنج) او د نیمروز د افغاني سرې میاشتې ټولنې د نمایندګۍ په همغږۍ په زرنج ښار
کې د پلاستيکي توکو د پاکولو عمومي حشر ترسره کړ.
سږ کال د پلاستیکي ککړتیا پر وړاندې مبارزې تر شعار لاندې د چاپېریال نړۍوال ورځ
لمانځل کیږي چې د نیمروز ولایت د چاپېریال ساتنې ریاست هم د پلاستیک د اضرارو په
هکله د خلکو د عامه پوهاوي په موخه په زرنج ښار کې د پلاستیکي کثافاتو د پاکولو
عمومي حشر ترسره کړ.
د پلاستیکي کثافاتو د پاکولو حشر به یوه اونۍ دوام وکړي او د زرنج ښاروالۍ د پاکولو ټیم له خوا به
پلاستیکي کثافات له ښاره بهر وسوځول شي.
د چاپېریال ساتنې ریاست له ټولو هېوادوالو غواړي چې د ښار د ښکلا او پاکوالي په
برخه کې په ډول عمومي حشرونو کې له مسوولینو سره برخه واخلي او د چاپېریال ساتنې
پر وړاندې خپل ملي او اسلامي مسوولیت ادا کړي.