وروستی
په کابل سیند کې په ناقانونه توګه د فاضلابو د تخلیه کولو ستر مرکز وتړل شو
۱۴۴۴کال
د ذالقعدې۹مه
/ کابل
د کابل ښار ۹مې
ناحیې اړوند قلعه وزیر سیمه کې د فاضلابو د تخلیې ستر مرکز چې د څو کلونو را په دیخوا
پکې د کابل ښار د مختلفو سیمو څخه روزانه په زرګونو ټانکرونه په ناقانونه توګه
خالي کیدل او فاضلاب یې په مستقیم ډول د کابل سیند ته ورتلل او د کابل سیند په اوږدو
کې مېشت او د قلعه وزیر سیمې اوسیدونکو ته یې ډول ډول ناروغۍ پیدا کړې وې او ټوله
سیمه یې بدبویه او چټله کړې وه.
له نیکه مرغه د چاپېریال ساتنې ملي ادارې مفتشینو یاده موضوع په پوره غور وڅېړله
او د فاضلابو د تخلیې دغه ناقانونه مرکز چې ډيرې چاپېریالي ستونزې یې پیدا کړې وي؛
مهر ولاک کړ.
د یادونې وړ ده چې ۴۰کاله
پخوا د مکرویانونو د فاضلابو لپاره په قلعه زمانخان سیمه کې کابو په ۳۰جریبه ځمکه کې د وخت حکومت
لخوا د فاضلابو د تصفیې لپاره یوه بیولوژیکي تصفیه خانه جوړه شوې وه چې د مسوولینو
په وینا یې اوس هم که ترې استفاده وشي کار کوي؛ خو له بده مرغه د تېرو شلو کلونو
را په دیخوا د پراخ فساد له امله د کابل جلال آباد پر لویه لاره د قلعه وزیر په سیمه
کې په ازاده فضا کې په ناقانونه توګه په زرګونو ټانکرونه خالي کېدل.
دا چې د اسلامي امارت لخوا د فاضلابو د تخلیې دا ستر مرکز وتړل شو د سیمې اوسیدونکي
ډیر خوښ دي.
د چاپېریال ساتنې ملي اداره هیچاته اجازه نه ورکوي چې په مستقیم ډول په کابل سیند
او یا داسې ځای کې چې خلکو ته چاپېریالي ستونزې پیدا کړي؛ فاضلاب خالي کړي او هرڅوک
چې داسې ناوړه عمل ترسره کړي د قانون منګولو ته به وسپارل شي.