وروستی
له استاد عطا محمد نور سره د چاپېریال ساتنې ملي ادارې عمومي رییس لیدنه
ښاغلي شاه زمان میوندي، د چاپېریال ساتنې ملي ادارې عمومي رییس، د بلخ لرغوني ولایت ته د خپل ننني سفر په لړ کې له ښاغلي استاد عطا محمد نور سره ولیدل. په دې لیدنه کې پر ملي او په ځانګړې توګه پر چاپېریالیزو موضوعاتو خبرې شوې. استاد عطا محمد نور، ښاغلي شاه زمان میوندي ته د ښه راغلاست ویلو او تود هرکلي ترڅنګ، پر وړاندې شویو مسایلو خبرې وکړې او په بلخ ولایت کې، د چاپېریال ساتنې ملي ادارې له کړنو څخه یې خوښي څرګنده کړه.