وروستی
د چاپېريال ساتنې ملي ادارې رهبري غونډه وکړه
۱۴۴۳کال د شوال ۱۹مه نېټه -کابل
د چاپېريال ساتنې ملي ادارې سرپرست الحاج حافظ عزيز الرحمن په مشرۍ اداري غونډه وشوه چې پکې د دې ادارې د پلان او پاليسۍ معين ډاکټر زين العابدين عابد، مسلکي معين انجنير عزت الله صديقي، رئيسانو او آمرينو ګډون کړی وو.
په پيل کې د چاپېریال ساتنې ملي ادارې سرپرست په مرکز او ولايتونو کې د فعاليتونو د چټکتيا او اداري ستونزو د حل په خاطر د اداري ناستو جوړيدل اړين وبلل او زیاته يې کړه: د هرې ادارې برياليتوب د هغوی په لاستهراوړنو کې دی. نوموړي د مرکزي ادارې او ولایتي رياستونو تر منځ د همغږۍ او همکارۍ پر زياتېدو ټينګار وکړ.
په دې غونډه کې د اجنډا مطابق د چاپېریال نړۍوالې ورځې لمانځنې لپاره پر چمتووالي، ولايتي رئيسانو ته د چاپېریالي جوازونو د ويش صلاحیت، د ادارې د کارکوونکو پر حاضرۍ، د رئیسانو او چاپېريالي مفتشینو د ترانسپورتي ستونزو پر حل او په مرکز او لويو ښارونو کې د لابراتوارونو د موجوده ستونزو پر حل هر اړخيز بحث او لازمې پريکړې وشوې.